Zaqatalada itən hindistanlı turistlə bağlı YENİ FAKT: Bundan əvvəl də yoxa çıxıbmışbackend

Zaqatalada itən hindistanlı turistlə bağlı YENİ FAKT: Bundan əvvəl də yoxa çıxıbmış

  • whatsapp
  • messenger
  • telegram
  • vkontakte
  • odnoklassniki

Zaqatalada yoxa çıxan hindistanlı turistlə bağlı maraqlı fakt ortaya çıxıb.

Lent.az xəbər verir ki, turistin ailəsindən verilən məlumata görə, Manikath Kondaveeti dörd-beş il əvvəl də Hindistanda itkin düşübmüş. O zaman Manikath Kondaveeti iki aydan sonra tapılıb.

Ailəsi bundan əvvəl də belə bir halın baş verdiyi üçün onun ölümünə inanmır və sağ-salamat tapılacağına ümid edir.

Daxili İşlər Nazirliyinin mətbuat xidmətinin Şəki regional qrupunun baş inspektoru, polis baş leytenantı Mahir Mənsimov açıqlamasında bildirib ki, turistin axtarışları hələlik heç bir nəticə verməyib. Hazırda onun tapılması istiqamətində bütün zəruri tədbirlər davam etdirilir.

Xatırladaq ki, mayın 17-də Hindistan Respublikasının vətəndaşı, 1993-cü il təvəllüdlü Kondaveeti Manikath adlı şəxsin Zaqatalada itkin düşməsi ilə bağlı polisə müraciət daxil olub. İlkin araşdırma nəticəsində onun mayın 12-də Zaqatalada qaldığı hoteli tərk etdiyi və Car kəndinin çətin relyefə malik yüksək dağlıq ərazisinə getdiyi müəyyən olunub.

O, itkin düşəndən sonra qardaşı Dharan Kondaveeti və atası Purna Çandra Rao Kondaveeti Zaqatalaya gəliblər. Onlar hələ də rayondadırlar.

29 yaşlı Hindistan vətəndaşının axtarışlarına Daxili İşlər Nazirliyi Daxili Qoşunlarının hərbi qulluqçuları, Rayon Polis Şöbəsinin, eləcə də Ekologiya və Təbii Sərvətlər Nazirliyinin, Fövqəladə Hallar Nazirliyinin əməkdaşlarından ibarət qruplar, dronlar, ərazini tanıyan yerli sakinlər, alpinistlər cəlb olunublar.

53 gün keçməsinə baxmayaraq, turisti tapmaq hələlik mümkün olmayıb.