Profity Co, İstanbul Aydın Universiteti və Böyük Qayıdış İctimai Birliyi birgə Zəfər gününə həsr olunmuş “Zəfərdən İqtisadi İnkişafa: Qarabağ gənclərinin sahibkarlıq təlimi” adlı layihə həyata keçirəcək. Layihənin məqsədi Qarabağ gənclərini sahibkarlıq və biznes sahəsində bilik və bacarıqlarla təchiz etməkdir.

Editor.az xəbər verir ki, təlimlər 25 noyabr – 6 dekabr tarixləri arasında Globus Center-də və onlayn formada hər biri 1-1,5 saat olmaqla baş tutacaq.

Qeyd edək ki, layihə gənclərə gələcəkdə öz biznes layihələrini idarə etmək üçün zəruri olan bilikləri təmin edərək Azərbaycanın iqtisadi və sosial inkişafına dəstək verəcək.