Ukrayna Prezidenti Volodimir Zelenski Baş nazir Denis Şmıqalın ölkənin müdafiə naziri postuna təyin olunmasının məqsədəuyğun olduğunu bildirib. Bu barədə dövlət başçısı özünün axşam video-müraciətində açıqlama verib.

“Bu gün Yuliya Sviridenko ilə danışdım – ona Ukrayna hökumətinə rəhbərlik etməyi və onun fəaliyyətini Ukrayna istehsalının, sahibkarlığının dəstəklənməsi sahəsində malik olduğu təcrübə əsasında yeniləməyi təklif etdim. Denis Şmıqalın böyük təcrübəsi isə müdafiə naziri vəzifəsində faydalı olacaq”, – deyə Zelenski vurğulayıb.

Prezidentin sözlərinə görə, hazırda ölkənin bütün resursları və əsas prioritetləri məhz müdafiə sahəsinə yönəlib. O, yeni hökumət tərkibinin Ali Rada tərəfindən yetərincə dəstəklənəcəyinə ümid etdiyini də bildirib.

//Samir Qurbanov, Editor.az