Ukraynanın 800 min nəfərlik ordusu olmalı və müttəfiqləri onu maliyyələşdirməyə kömək etməlidir.

Editor.az RBC-yə istinadla xəbər verir ki, bu barədə ölkə prezidenti Volodimir Zelenski mətbuat konfransında bildirib. Eyni zamanda, əgər söhbət Ukrayna üçün iqtisadi təhlükəsizlik təminatlarından gedirsə, əslində Avropa İttifaqına üzvlükdən danışırıq, deyə siyasətçi bildirib. “Diqqət edəcəyim başqa bir məsələ Ukrayna ordusu üçün ən azı 800 min dolların maliyyələşdirilməsidir. Bu, mənim fikrimdir”, – Ukrayna lideri bildirib. Zelenskinin sözlərinə görə, ABŞ və bəzi Avropa ölkələri Ukraynanın NATO-da iştirakına qarşıdır. Buna baxmayaraq, respublikaya əcnəbi əsgərlərin göndərilməsi məsələsi hələ də müzakirə olunur. Ukrayna prezidenti vurğulayıb ki, 1000 kilometrlik döyüş xətti vəziyyətində atəşkəs razılaşması əldə olunarsa, bu xətt üzrə atəşkəsin “yoxlanması” da aparılmalıdır.

“Financial Times” qəzeti bir gün əvvəl yazmışdı ki, Vaşinqton və Kiyev Amerikanın Ukraynaya hərbi yardım göstərməsi müqabilində ABŞ-ın Ukraynanın mineral sərvətlərinə çıxışı ilə bağlı razılaşma haqqında danışıqlar aparır. Bildirilir ki, sənədin son layihə variantında nadir torpaq ehtiyatları ilə bağlı bütün fəaliyyətləri idarə edəcək investisiya fonduna 100 faiz ABŞ nəzarəti ilə bağlı müddəa artıq yoxdur.

//Gülnarə Abasova, Editor.az