İyunun 2-də İstanbulda keçiriləcək danışıqların gündəliyi hələ də Ukrayna Prezidenti Volodimir Zelenskiyə məlum deyil.

Publika.az xəbər verir ki, o, bu barədə şənbə günü axşam çıxışında danışıb.

Ukrayna lideri bəyan edib ki, Kiyev hazırda Rusiya nümayəndə heyətinin İstanbula nə gətirəcəyi barədə dəqiq məlumatlara malik deyil.

Zelenskinin sözlərinə görə, nə Türkiyə, nə ABŞ, nə də Kiyevin digər tərəfdaşları belə məlumata malik deyillər.

O, Ukraynanın bu danışıqlarda iştirak edib-etməyəcəyini dəqiqləşdirməyib.

Bundan əvvəl Amerika mediası Moskvanın danışıqlardan əvvəl öz təkliflərini ictimaiyyətə açıqlamağa razı olmamasına baxmayaraq, Ağ Evin Kiyevə orada iştirak etmək üçün təzyiq etdiyini yazmışdı.