Zəlzələ nəticəsində dağıntı qeydə alınıb? – FHN-dən AÇIQLAMA + YENİLƏNİB/VİDEObackend

Zəlzələ nəticəsində dağıntı qeydə alınıb? – FHN-dən AÇIQLAMA + YENİLƏNİB/VİDEO

  • whatsapp
  • messenger
  • telegram
  • vkontakte
  • odnoklassniki

Zəlzələ nəticəsində hər hansı dağıntı və ya insan xəsarəti barədə bu vaxtadək Fövqəladə Hallar Nazirliyinə (FHN) məlumat daxil olmayıb.

Bu barədə FHN-nin Mətbuat Xidmətindən bildirilib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş ilkin məlumata əsasən, 11.05.2024-cü il tarixində yerli vaxtla saat 17:23-də Lənkəran seysmik stansiyasından 16 kilometr şimal-qərbdə, Lənkəran şəhəri, Bəliton kəndi ərazisində 18 kilometr dərinlikdə 5.2 maqnituda zəlzələ qeydə alınıb.

Zəlzələ episentrdə 6 bala yaxın, ətraf rayonlarda 3-5 bala qədər hiss olunub.

17:33

Azərbaycanın cənub bölgəsində güclü zəlzələ olub.

Oxu.Az xəbər verir ki, bu barədə Azərbaycan Milli Elmlər Akademiyası Nəzdində Respublika Seysmoloji Xidmət Mərkəzi məlumat yayıb.

Belə ki, Zəlzələlərin Tədqiqatı Bürosunun məlumatına əsasən, Lənkəran ərazisində zəlzələ qeydə alınıb. Zəlzələ episentrdə 6 bala yaxın ətraf rayonlarda 3-5 bala qədər hiss olunub.

Yeraltı təkanların ocağı 18 kilometr dərinlikdə yerləşib.