Ziya Məmmədovun oğlunun Britaniyada 20 restoranı var – ŞOK FAKTbackend

Ziya Məmmədovun oğlunun Britaniyada 20 restoranı var – ŞOK FAKT

  • whatsapp
  • messenger
  • telegram
  • vkontakte
  • odnoklassniki

Sabiq nəqliyyat naziri Ziya Məmmədovun oğlu Anar Məmmədov barədə şok faktlar yayılıb.

Bu barədə Qərb mediasında (Azadlıq Radiosu) detallı materiallar dərc olunub. Həmin materiallar görə, “… Amerika qızartma toyuq zənciri KFC-nin İngiltərədə françayzinqinə 43 yaşlı Anar Məmmədovun milyonlarla dollar xərclədiyini üzə çıxıb. KFC şəbəkəsinə yatırımları Məmmədovun Britaniyadakı biznesinin bir hissəsidir. “Transparency International UK” təşkilatının Britaniya torpaq reyestrindən əldə etdiyi qeydlərə görə, bu portfolioya Londonun ən bahalı küçələrində toplam dəyəri 30 milyon dolları aşan daşınmaz əmlak da daxildir”.

Materialda daha sonra vurğulanır: “Azərbaycan mediasında Məmmədovun Britaniyada KFC restoranlarını satın alması barədə 2022-ci ilin sonlarında ilk dəfə məlumat yayılanda onun atası, keçmiş nəqliyyat naziri Ziya Məmmədov oğlunun Britaniyada bir dənə də restoranının olmadığını söyləmişdi.

Ancaq Azadlıq Radiosunun araşdırması A. Məmmədovun hazırda İngiltərənin şimal-qərbində azı 20 restoranının olduğunu üzə çıxarıb. O, anonim ofşor şirkətindən yararlanaraq, azı, 10 il öncədən həmin sərmayəsini yatırmağa başlayıb”.

Pravda.az