Çərşənbə günü İran Səudiyyə Ərəbistanının Hörmüz boğazından yan keçərək neft ixrac etmək üçün istifadə etdiyi Şərq-Qərb neft boru kəmərinə, eləcə də krallıqdakı digər obyektlərə zərər vurub.

Editor.az xəbər verir ki, bu barədə “Reuters” neft sənayesi mənbəyinə istinadən məlumat verib. Mənbənin sözlərinə görə, zərər krallığın neft ixracına təsir edəcək. İranın zərbəsindən dəyən zərərin qiymətləndirilməsi hazırda davam edir.
“Reuters” xəbər verir ki, bu, İranın boru kəmərinə ilk hücumu deyil. Jurnalistlərin sözlərinə görə, Tehranın əvvəlki hücumu krallığın xam neft ixracına təsir etməyib.

İran Hörmüz boğazını faktiki olaraq bağladıqdan, külli miqdarda neft və qazın qarşısını aldıqdan və qlobal enerji bazarlarında qiymətlərin kəskin şəkildə artmasına səbəb olduqdan sonra boru kəməri krallığın neft mərkəzi olan Əl-Şəkriya əyalətindən Qırmızı dənizdəki Yanbu limanına gündə təxminən 7 milyon barel (bpd) neft nəql edib. Jurnalistlər hesab edirlər ki, İranın Səudiyyə Ərəbistanının əsas neft ixrac boru kəmərinə zərbəsi qlobal enerji böhranını daha da pisləşdirə bilər.

//Samir Qurbanov, Editor.az