Rusiyanın Avropadakı son siyasi müttəfiqlərindən biri olan Serbiya, Rusiyanın cinayətkar hücumlarından sonra Ukraynanın enerji sektorunun bərpasına investisiya qoymaq qərarına gəlib.

Editor.az xəbər verir ki, bu barədə dəstəyi təmin edəcək Birləşmiş Millətlər Təşkilatının İnkişaf Proqramının (BMTİP) mətbuata açıqlamasında bildirilib. Serbiyanın ümumi yardımı az olsa da, simvolik olaraq əhəmiyyətlidir – 2 milyon avro. Vəsait elektrik şəbəkəsinin gücünü bərpa etmək və milyonlarla ukraynalını elektrik enerjisi ilə təmin etmək üçün çox vacib olan yüksək gərginlikli transformatorların alınması və təchizatı üçün istifadə olunacaq.

“Serbiya enerji təhlükəsizliyi ilə bağlı görünməmiş çətinliklərlə üzləşən Ukrayna xalqı ilə həmrəydir. Bu töhfə bu çətin dövrlərdə həyati əhəmiyyətli xidmətlərin bərpasına və xəstəxanalara, məktəblərə və evlərə enerji təchizatının təmin edilməsinə dəstəyimizin əyani nümayişidir”, – deyə Serbiyanın Ukraynadakı səfiri Andon Sapunji bildirib.

//Samir Qurbanov, Editor.az