“Ukrayna öz ərazisində silahlı münaqişə bitməmiş NATO-ya üzv ola bilməz”.
Editor.az xəbər verir ki, bu sözləri Litva prezidenti Gitanas Nauseda İtaliyanın “La Repubblica” qəzetinə müsahibəsində deyib.
Litva lideri həmçinin NATO-nun qarşıdan gələn sammitinin Ukraynanın Alyansa daxil olması üçün yol xəritəsinin işlənib hazırlanmasına imkan yaradacağına ümid etdiyini bildirib.
NATO-nun köhnə “açıq qapı” düsturunu aşmaq məcburiyyətində olduğuna diqqət çəkən Nauseda, “Biz bilirik ki, NATO-nun qapıları hər kəsə açıqdır, lakin onlardan istifadə üçün hələ imkanlar yoxdur”,-deyə bildirib.
//Gülnarə Abasova, Editor.az