Ermənistanın Tavuş vilayətinin hərbi komissarı Lernik Ohanyan döyülüb.

47 yaşlı Lernik Ohanyan qapalı kəllə-beyin zədəsi, hematoma diaqnozu ilə xəstəxanaya yerləşdirilib.

İlkin məlumata görə, insident  yanacaqdoldurma məntəqələrindən birinin ərazisində baş verib.

Belə ki, Lernik Ohanyanla Berd şəhərinin iki mülki şəxsi arasında baş verən mübahisə sonda əlbəyaxaya keçib.

Nəticədə berdlilər hərbi komissarı amansızlıqla döyüblər.

Faktla bağlı cinayət işi başlanıb.

Xəsarət alan hərbi komissar əməliyyat olunub, o, hazırda xəstəxanada həkimlərin nəzarəti altındadır.