Lənkəranda piyadanın ölümü ilə nəticələnən qəza baş verib.
Editor.az xəbər verir ki, APA-nın cənub bürosunun xəbərinə görə, hadisə rayonun Darquba kəndində qeydə alınıb.
KIA markalı avtomobil Darquba kənd sakini, 1994-cü il təvəllüdlü Elgün Hüseynağa oğlu Rəhimovu vurub, daha sonra yolun kənarına aşıb. Qəza nəticəsində piyada E. Rəhimov hadisə yerində keçinib.
Onun meyiti Məhkəmə-Tibbi Ekspertiza və Patoloji Anatomiya Birliyinin Lənkəran şöbəsinə təhvil verilib.
İlkin məlumata görə, sürücü Lənkəran rayonu Şovu kənd sakinidir.
Faktla bağlı araşdırma aparılır.