Moskva Univermağının yanında 22 yaşlı gənc bıçaqlanıb

10:59 | 23 May, 2019

Bakının Nəsimi rayonu bıçaqlanma hadisəsi baş verib.

Moskva Univermağının yaxınlığında 2 nəfər arasında yaranan mübahisə əlbəyaxa davaya çevrilib. Daha sonra 1997-ci il təvəllüdlü Həmidli Azad Alim oğlu mübahisə etdiyi şəxs tərəfindən bıçaqlanıb.

Yaralı dərhal 1 saylı Klinik Tibbi Mərkəzə çatdırılıb. Ona qarın ön divarının kəsilmiş-deşilmiş yarası diaqnozu qoyulub.

A.Həmidli əməliyyat olunduqdan sonra reanimasiya şöbəsinə yerləşdirilib. Vəziyyətinin kafi olduğu bildirilir.

Faktla bağlı Nəsimi Rayon Polis İdarəsində araşdırma aparılır.