Rusiya hərbçiləri Xarkov vilayətinin Kupyansk şəhərində Diyarşünaslıq Muzeyinin binasını vurub.

Editor.az bildirir ki, bu barədə Xarkov Regional Dövlət Administrasiyasının rəhbəri Oleq Sinegubov Telegram-da yazıb: “Düşmən Kupyansk şəhərinin mərkəzinə zərbə endirib. Zərbə Diyarşünaslıq Muzeyinin binasında qeydə alınıb. İlkin məlumata görə, 5 mülki şəxs yaralanıb, ən azı daha iki nəfərin dağıntıların altında olması güman edilir”. Sinegubov daha sonra əlavə edib ki, işğalçılar Kupyanskın mərkəzinə “S-300” raketi ilə hücum ediblər, nəticədə 10 mülki şəxs yaralanıb. Onlardan 3-ü xəstəxanaya yerləşdirilib, 7-si yüngül xəsarət alıb və onlara yerindəcə kömək göstərilib, 2 nəfər dağıntılar altında qalıb.

Saat 10:02-də prezident Vladimir Zelenski bildirib ki, 1 muzey işçisi ölüb və 10 nəfər yaralanıb. VHA rəisi vurğulayıb ki, Dövlət Fövqəladə Hallar Xidmətinin bütün bölmələri və Təcili Tibbi Yardım xidmətinin həkimləri insanlara qısa müddətdə kömək etmək üçün hadisə yerində işləyirlər: “Xarkov şəhərinə və regionun yaşayış məntəqələrinə yeni raket hücumları ehtimalı kifayət qədər yüksək olaraq qalır. Siqnallara məhəl qoyun və sığınacaqlarda qalın”, – Sinegubov vurğulayıb.

//Samir Qurbanov,Editor.az