ABŞ prezident administrasiyası Ukrayna prezidenti Volodimir Zelenskiyə qarşı sui-qəsd cəhdinə hazırlıq barədə məlumatlardan narahatdır/
Editor.az bildirir ki, bunu Ağ Evin mətbuat katibi Karine Jan-Pyer brifinqdə deyib. Bir gün əvvəl, mayın 7-də Ukrayna Təhlükəsizlik Xidməti (UTX) Ukrayna rəsmilərinin və siyasətçilərinin, o cümlədən Zelenskinin qətlini planlaşdırdığı iddia edilən iki polkovnikin saxlandığını elan edib: “Biz bu xəbəri gördük. Bu, təbii ki, ciddi narahatlıq doğurur.
Və təbii ki, biz şadıq ki, potensial sui-qəsd cəhdinin qarşısı alınıb”, – deyə xanım Jan-Pyer bildirib. Əlavə məlumat üçün Ağ Evin sözçüsü Ukrayna hökuməti ilə əlaqə saxlamağı məsləhət görüb.
Qeyd edək ki, UTX-nin mayın 7-də verdiyi məlumata görə, saxlanılan iki UGO polkovniki agent şəbəkəsinin bir hissəsi olub, məqsədi gələcəkdə Volodimir Zelenskini öldürmək üçün ona yaxın adamları axtarmaq olub. Şəbəkənin fəaliyyətinə Rusiya FSB-si nəzarət edirmiş.
//Samir Qurbanov, Editor.az