Avstriyanın xarici işlər naziri Alexander Şallenberq Rusiya ilə münasibətdə balansı qorumağa çağırıb.

Editor.az xəbər verir ki, XİN rəhbəri belə bir bəyanatla Parisdə Fransa Universitetinin Elmlər Po konfransında çıxış edib. Onun sözlərinə görə, 144 milyon rusiyalıya viza qadağası tətbiq etməklə həddi keçmiş olurlar. Çünki Rusiya bundan sonra da Avropa tarixi və mədəniyyətinin bir parçası olaraq qalacaq.

O, Rusiyanın xarici işlər naziri Sergey Lavrovun ATƏT-in Polşada keçiriləcək iclasına dəvət edilməməsini də tənqid edib.

Nazir qeyd edib ki, Ukraynanın suverenlik və ərazi bütövlüyü uğrunda mübarizədə hərtərəfli dəstəyinə şübhə etmir:

” Biz də sabah, bir həftə və aylar sonra nə olacağını düşünməliyik. Çünki Avropanın təhlükəsizlik arxitekturası bu və ya digər şəkildə Rusiyanı gələcəkdə BMT Təhlükəsizlik Şurasının daimi üzvü və nüvə dövləti kimi daxil etməli olacaq. Təhlükəsizlik və Əməkdaşlıq Təşkilatı (ATƏT) qorunmalıdır, çünki o, Rusiya diplomatlarının oturduğu bir neçə platformalardan biridir. Onlar bizim arqumentlərimizə və işğalçılıq müharibəsi ilə bağlı sərt tənqidlərimizə qulaq asmalıdırlar”.

//Gülnarə Abasova, Editor.az