Birləşmiş Millətlər Təşkilatının (BMT) baş katibi Antonio Quterreş BMT-nin Sudandakı fəaliyyətini davam etdirəcəyini açıqlayıb.

Editor.az xarici mediaya istinadən bildirir ki, baş katib münaqişənin ən qısa zamanda sona çatması üçün işləri davam etdirdiklərini də vurğulayıb.

Səudiyyə Ərəbistanı, Cənubi Koreya, Küveyt, Türkiyə, Rusiya, ABŞ, Böyük Britaniya və Avropa İttifaqı (Aİ) ölkələri də daxil olmaqla bir çox ölkə Sudandakı qarşıdurmalara görə vətəndaşlarını təxliyə etmək üçün işlərə başlayıb. Bu günə qədər mindən çox ABŞ, Böyük Britaniya və Aİ vətəndaşı Sudandan təxliyə edilib.

//Gülnarə Abasova, Editor.az