Dağılmış binalarda tikinti qüsurlarına görə 8 nəfər həbs edilib.
Editor.az xəbər verir ki, bu barədə Türkiyə mətbuatı yazıb. Məlumata görə, Türkiyədə baş verən irimiqyaslı zəlzələdən sonra uçmuş binalara görə Şanlıurfa vilayətində 8 nəfər həbs edilib.
Təbii fəlakət nəticəsində uçan binalarda tikinti qüsurları və sütunların kəsilməsi aşkar edildikdən sonra saxlanılan şəxslər barəsində həbs qətimkan tədbiri seçilib. Qeyd edək ki, fevralın 6-da Türkiyədə baş verən zəlzələ 22 mindən çox insanın həyatına son qoyub. Ölkədə ümummilli matəm elan edilib.
//Samir Qurbanov, Editor.az