İsmayıllı rayonunda ölümlə nəticələnən yol-nəqliyyat hadisəsi baş verib.

Editor.az bizim media-ya istinadla xəbər verir ki, hadisə rayonun Hacıhətəmli kəndində qeydə alınıb.

Göyçay rayon sakini, 1967-ci il təvəllüdlü Həşimov Sahib Salman oğlu idarə etdiyi “Chevrolet” markalı minik avtomobili ilə hərəkətdə olarkən qəflətən idarəetməni itirib, nəticədə avtomaşın yoldan çıxaraq aşıb.

Hadisə zamanı sürücü elə hadisə yerindəcə dünyasını dəyişib.

Hazırda faktla bağlı İsmayıllı rayon Polis Şöbəsində araşdırma aparılır.