Özbəkistanda yol təhlükəsizliyini təmin etmək üçün dronlardan istifadə oluna bilər. Layihə hazırda ictimai şərh mərhələsindədir.

Eyni zamanda, məsələ daxili işlər orqanları, Rəqəmsal İnkişaf Nazirliyi və Müdafiə Sənayesi Agentliyi tərəfindən diqqətlə öyrənilir. Oktyabrın 1-dək onlar nəticə və təkliflərini formalaşdırmalıdırlar. İlkin olaraq dronlardan yaşayış məntəqələrindən kənarda yollarda pozuntuların və insidentlərin aşkar edilməsi üçün istifadə edilməsi təklif edilir.

Dronlar həmçinin avtomobillərin axtarışında da kömək edəcək. Əsas məqsəd hələ də mövcud olan, lakin ayrıca işləyən bütün texnologiyaları vahid avtomatlaşdırılmış sistemdə birləşdirməkdir. Bu, yol təhlükəsizliyini yaxşılaşdıracaq. Sistemin digər funksiyası isə pozuntulara görə cərimələr barədə məlumatların onlayn rejimdə birbaşa vergi orqanlarına ötürülməsi olacaq.

  //Samir Qurbanov,Editor.az