Rusiya Müdafiə Nazirliyinə yaxın olan və əməliyyatın təfərrüatları ilə tanış olan KİV-in məlumatına görə, ABŞ hərbi kəşfiyyat aparatının düşdüyü ərazidə Rusiya Hərbi Dəniz Qüvvələrinin qüvvələri növbə çəkir.

Aparat sualtı robotun köməyi ilə “Cənub axını” qaz kəmərinin dərin dəniz qolunun yaxınlığında – 850-900 metr dərinlikdə tapılıb.

Qeyd edək ki, martın 14-də Krım sahilləri yaxınlığında Amerikaya məxsus PUA-nın düşməsi baş verib. Rusiya hərbçiləri cihazı görüb və onu müəyyən etmək üçün döyüş təyyarələrini havaya qaldırıb. Rusiya Federasiyasının Müdafiə Nazirliyi daha sonra bildirib ki, qurğu ilə birbaşa əlaqə olmayıb və manevr nəticəsində uçuşa nəzarəti itirərək yerə düşüb. Pentaqon isə Rusiya Silahlı Qüvvələrinin təyyarələrinin pilotsuz təyyarənin ətrafına yanacaq atdığını bildirib və rus pilotların hərəkətlərini “qeyri-peşəkar” adlandırıb. Sonra ABŞ Silahlı Qüvvələrinin Avropa komandanlığı “MQ-9 Reaper”in itməsi ilə bağlı yazı dərc edib.

  //Samir Qurbanov,Editor.az