ABŞ dövlət katibinin enerji məsələləri üzrə köməkçisi Geoffrey Pyatt bildirib ki, Birləşmiş Ştatlar Ukraynanın Rusiya ərazisinə zərbə endirməsini təqdir etmir.

Editor.az bildirir ki, bu barədə o, Rusiyanın enerji obyektlərinə pilotsuz təyyarələrin hücumunu belə şərh edib. “Birləşmiş Ştatlar Rusiya ərazisinə hücumları təqdir etmir və ya bəyənmir”, -deyə Payette brifinqdə bildirib. O, “Financial Times”ın Vaşinqtonun Kiyevi neftin qiymətinin qalxması riskinə görə Rusiyanın enerji obyektlərinə hücumları dayandırmağa çağırması barədə məlumatını şərh etməyib.

“Mən diplomatik mübadilələrimizi şərh etmək fikrində deyiləm” – dövlət katibinin köməkçisi vurğulayıb. İlin əvvəlindən Ukrayna dronlardan istifadə edərək Rusiyadakı bir neçə neft emalı zavoduna hücum edib. Onların arasında Nijni Novqorod, Ryazan, Kuybışev və Sızran neft emalı zavodları var.

//Samir Qurbanov, Editor.az