İmişlidə “Mercedes”lə traktor toqquşub, iki nəfər ölüb.

Editor.az  Day.Az-a istinadən xəbər verir ki, ölümlə nəticələnən yol qəza hadisəsi ötən gün axşam saatlarında İmişli-Biləsuvar avtomobil yolunda, İmişli rayonunun Çaxırlı kəndində qeydə alınıb.

Araz Kazımovun idarə etdiyi “Mercedes” markalı minik avtomobili ilə traktor toqquşub. Hadisə nəticəsində minik avtomobilinin sürücüsü ağır xəsarət alıb, sərnişini Çingiz Ağayev isə hadisə yerində ölüb.

Xəsarət alan Araz Kazımov İmişli rayon mərkəzi xəstəxanasına yerləşdirilsə də, gecə saatlarında orada ölüb.

Faktla bağlı araşdırma aparılır.

Qəzada dünyasını dəyişən Araz Kazımovun fotosunu təqdim edirik: