Yaponiya BMT Təhlükəsizlik Şurasında islahatların aparılmasını, eləcə də BMT Baş Assambleyasının (GA) rolunun gücləndirilməsini zəruri hesab edir.
Editor.az xəbər verir ki, bunu Yaponiyanın xarici işlər naziri Yoşimasa Hayasi Baş Assambleyanın Ukraynadakı vəziyyətlə bağlı xüsusi sessiyasında çıxışı zamanı deyib. Hayasinin fikrincə, BMT-yə “etimadı bərpa etmək” lazımdır.
O, xüsusilə Rusiyanı BMT Təhlükəsizlik Şurasının daimi üzvü statusundan sui-istifadə etməkdə və təşkilatın qətnamələrinə məhə qoymamaqda ittiham edərək bildirib ki, “Sanki onlar (qətnamələr – red) Rusiya üçün işlənmiş bir kağız qırıntılarıdır”. Nazirin sözlərinə görə, Rusiya həmçinin öz “nüvə dövləti” statusundan sui-istifadə edir: “Biz Rusiyanın nüvə silahından istifadə şantajlarına dözə bilmərik, hələ onun istifadə mümkünlüyünü demirik”, – Yoşimasa Hayasi vurğulayıb.
Qeyd edək ki, 2022-ci ilin dekabrında Hindistan da BMT Təhlükəsizlik Şurasında islahatlara çağırmışdı.
//Samir Qurbanov, Editor.az