Bakının Nizami rayonunda intihara cəhd hadisəsi baş verib.

APA xəbər verir ki, hadisə Qara Qarayev prospektində qeydə alınıb.

Belə ki, 1993-cü il təvəllüdlü Əliyeva Aytən Nurəddin qızı həyat yoldaşı ilə mübahisə edib. Daha sonra A.Əliyeva yaşadığı binanın damına çıxaraq özünü atıb. Yaralı komatoz vəziyyətində Mərkəzi Klinik Xəstəxanasına yerləşdirilib.

A.Əliyevanın həyat yoldaşı ilə birgə nigahından üç övladı var.

Faktla bağlı Nizami Rayon Polis İdarəsində araşdırma aparılır.