Beynəlxalq Valyuta Fondunun (BVF) araşdırmasına görə, Böyük Britaniya Qərbi Avropada enerji böhranının ən ağır yaşandığı ölkədir.

Editor.az xarici mediaya istinadən bildirir ki, bunun səbəbi, Rusiyanın Ukraynadakı müharibəsinin qaz qiymətlərini artırdığı bir vaxtda Böyük Britaniyanın elektrik enerjisi istehsal etmək üçün qazdan çox asılı olmasıdır.

Bu asılılıqdan başqa, digər mühüm amil Böyük Britaniyanın Qərbi Avropada enerjiyə qənaət edən ən az evlərə sahib olmasıdır. Araşdırma 2022-ci ildə qaz və elektrik enerjisi üçün istehlak qiymətlərinin inflyasiyasının avrodan istifadə edən 19 ölkədə orta hesabla 40 faiz, Böyük Britaniyada isə 80 faiz olacağını proqnozlaşdırır.

Böyük Britaniyanın elektrik enerjisi istehsalı üçün İtaliya istisna olmaqla, 39 Avropa ölkəsindən daha çox qaza ehtiyacı var.

//Safura Bənnayeva, Editor.az