Rusiya Norveç sərhədi yaxınlığındakı Kola yarımadasındakı Olenya aviabazasına nüvə başlıqları daşıya bilən strateji bombardmançı təyyarələr toplayıb.

Bu, yəqin ki, Rusiyanın Ukraynadakı məğlubiyyəti fonunda nüvə şantajı ilə bağlıdır.

Editor.az bildirir ki, bu barədə Norveçin Faktisk nəşri Planet Laboratoriyasının peyk görüntülərinə istinadən məlumat yayıb. 7 oktyabr tarixli həmin şəkildə yeddi Tu-160 və dörd Tu-95 bombardmançı təyyarənin yeri göstərilir. İki gün sonra peyk aviabazanın uçuş-enmə zolağında daha bir Tu-160 təyyarəsini də qeydə aldı.

Ənənəvi olaraq, bu strateji bombardmançı təyyarələr Moskvadan 720 kilometr cənub-şərqdə yerləşən Engels aviabazasında yerləşir. Hərbi ekspertlərin fikrincə, manevrlər ənənəvi “Şimşək” payız təlimləri ilə bağlı ola bilər. Eyni zamanda, bəzi ekspertlər bombardmançı təyyarələrin ötürülməsinin Putinin nüvə təhdidlərinin tərkib hissəsi ola biləcəyi fikrini irəli sürürlər. Norveçli hərbi ekspert Lars Peder Haqa xatırladıb ki, Rusiya Federasiyası sonuncu dəfə “Thunder” nüvə təlimini 2022-ci ilin fevralında, Rusiyanın Ukraynaya genişmiqyaslı işğalından bir həftə əvvəl keçirmişdi və əslində Qərbə müdaxilə etməməklə bağlı açıq xəbərdarlıq idi.

  //Samir,Editor.az