Avropanın ən böyük atom elektrik stansiyası olan Zaporojye AES-də vəziyyət hər gün pisləşir. Əgər indi obyektdə qəza baş versəydi, radiasiya Ukraynanın bütün cənubunu və Rusiya Federasiyasının cənub-qərb rayonlarını əhatə edərdi.

Editor.az-ın xəbərinə görə, 28 avqust 2022-ci il tarixinə olan müvafiq hesablama proqnozu Ukraynanın Dövlət Nüvə Tənzimləmə Agentliyinin mütəxəssisləri tərəfindən hazırlanıb. Model küləklərin paylanmasını və trayektoriyasını qəbul edir. Mütəxəssislər qeyd ediblər ki, potensial təhlükəli ərazilərdə əhaliyə yod profilaktikası aparılmalıdır. Həm də çox zərurət olmadıqca çölə çıxmamaq daha yaxşıdır. Çölə çıxarkən isə tənəffüs sistemi üçün qoruyucu vasitələrdən istifadə etmək vacibdir.

  //Samir,Editor.az