ABŞ-da koronavirusa yoluxanların sayı 100 min nəfəri keçib.

Editor.az Trend-ə istinadən bildirir ki, bu rəqəmləri federal və yerli hakimiyyət orqanlarının məlumatları əsasında hesablamalar aparan Con Hopkins Universiteti göstərib.

Məlumata əsasən, ölkədə 100,717 nəfər koronavirusa yoluxub, 1478 nəfər ölüb, 862 nəfər yoluxan şəxs sağalıb.

Daha əvvəl ABŞ Çin və İtaliyanı keçərək koronavirusa yoluxmuş insanların sayına görə dünyada birinci yerini tutub. Prezident Donald Tramp bu rəqəmləri yaxşı işləyən test sistemi ilə izah etdi.