Estoniyada son sutka ərzində koronavirusa (COVID-19) yoluxanların sayı 11 nəfər artaraq 1108-ə çatıb.

Editor.az AZƏRTAC-a istinadən bildirir ki, bu barədə Estoniya Səhiyyə Departamenti məlumat yayıb. Bildirilib ki, epidemiyanın yayıldığı tarixdən bəri ölkədə 21 min 866 nəfər müayinə olunub.

Nazirliyin məlumatına əsasən, son sutka ərzində COVID-19 virusuna görə 864 nəfərdən 11-nin analiz nəticəsi müsbət çıxıb.
Virusa yeni yoluxma hallarının artacağı istisna olunmur.

Qeyd edək ki, ölkədə bu günədək koronavirusdan 19 ölüm faktı qeydə alınıb.