Cənubi Koreya Ukraynaya artilleriya mərmilərinin təhvil verilməsi ilə bağlı Vaşinqtonla məxfi razılaşma əldə edib və bu günə qədər ölkəyə sursatın yüz minlərlə partiyasını çatdırıb.

Editor.az bildirir ki, bu barədə Amerikanın “The Wall Street Journal” qəzeti öz mənbələrinə istinadən məlumat yayıb. KİV-lər qeyd edirlər ki, tərəflər bu məsələ ilə bağlı bir ildən çox müzakirələrdən sonra “ortaq məxrəcə” gəliblər. Bu, ölkə prezidenti Yun Seok Yolun səfəri (apreldə o, Amerika lideri Co Baydenlə görüşmək üçün Vaşinqtona gəlmişdi) sayəsində baş verib. Hələ 2022-ci ildə ABŞ Cənubi Koreyanı Kiyevə sursat verməyə çağırıb, lakin o zaman Seul belə bir təşəbbüsə kifayət qədər “soyuq” reaksiya verib. İndi isə əhval dəyişib.

Daha əvvəl Cənubi Koreyanın milli təhlükəsizlik müşaviri Ço Tae Yonq parlamentdəki çıxışı çərçivəsində rəsmilərin APU mərmilərinin göndərilməsini istisna etmədiklərinə aydınlıq gətirsə də, onun Polşadan birbaşa və ya tranzit yolla göndərilməsini planlaşdırmadığını vurğulayıb. Öz növbəsində, Müdafiə Nazirliyinin sözçüsü Çunq Ha-Kyu mayın 18-də Cənubi Koreyanın silah-sursat ixracı ilə bağlı Pentaqonla danışıqlar apardığını, lakin hər hansı təfərrüat verməkdən imtina etdiyini bildirib.

Qeyd edək ki, bundan əvvəl Cənubi Koreya (ən böyük artilleriya sursatları istehsalçılarından biri) Kiyevə öldürücü silahlarla kömək etməkdən rəsmən imtina etmişdi.

  //Samir Qurbanov,Editor.az