İranla mümkün müqavilənin əksər şərtləri artıq razılaşdırılıb.

Bunu ABŞ prezidenti Donald Tramp Arizona ştatının Feniks şəhərində Turning Point USA təşkilatının tərəfdarları qarşısında çıxışında deyib.

O, qeyd edib ki, Amerika qüvvələri “İranla müqavilə tam razılaşdırılıb imzalanana qədər” yerində qalacaq: “Bu proses sürətlə davam etməlidir; əksər məqamlar artıq razılaşdırılıb və dəqiqləşdirilib”.

ABC News-a verdiyi müsahibədə isə ABŞ prezidenti İranla danışıqların İslamabaddan başqa yerdə davam etdirilməsi ehtimalını istisna edib: “Bizə kömək etməyən ölkələrə getmək qeyri-mümkündür”.

O, danışıqların Cenevrədə keçirilməsi ehtimalı barədə sualı cavablandırıb.

Musavat.com