Tanınmış Avstriyalı milyarder Michael Mashina müəmmalı şəraitdə dünyasını dəyişib.

Editor.az bu barədə xarici mediaya istinadla yazıb.

34 yaşlı Mashina sərvətini əmlak sektorunda qazanıb. Xüsusilə, o, “mənzil axtaranlar üçün Tinder” kimi tanınan məşhur mənzil axtarış tətbiqini inkişaf etdirib. Həmçinin, o, bədən tərbiyəçisi idi və sosial media hesablarında müntəzəm olaraq məşqlərini və lüks həyat tərzini əks etdirən videolar paylaşırdı.

Qeyd edək ki, 2023-cü ildə Mashina-nın şirkəti Ruma Estate iflas edib və bundan sonra o, ictimaiyyət qarşısında daha az görünməyə başladı. Daxili mənbələrdən gələn məlumatlara görə, onun borcları təxminən beş milyon avro (təxminən 456 milyon rubl) təşkil edirdi.

// Gülnarə Abasova, Editor.az