Rusiya və Türkmənistan prezidentləri Vladimir Putin və Serdar Berdiməhəmmədov arasında telefon danışığı olub.
Berdıməhəmmədovun Moskvada faşizm üzərində qələbənin 78-ci ildönümü şərəfinə keçirilən bayram tədbirlərinə dəvət aldığı iddia edilir. Lakin onun Rusiya paytaxtına gəlmək niyyətində olub-olmadığı dəqiqləşdirilməyib.
Editor.az bitərəf türkmən mediasının məlumatına istinadən xəbər verir ki, telefon danışığı mayın 7-də baş tutub. Kreml danışıqlar barədə məlumat verməyib. “Rusiya Federasiyasının rəhbəri fürsətdən istifadə edərək türkmən həmkarını Qələbənin 78-ci ildönümünə həsr olunmuş şənliklərdə iştirak etməyə dəvət edib. Türkmənistan Prezidenti dəvətə görə Rusiya rəhbərinə təşəkkür edib”, – məlumatda deyilir.
//Samir Qurbanov,Editor.az