Editor.az bildirir ki, Dumanın nəzarət komitəsinin sədri Oleq Morozov deyib ki, hakimiyyət orqanlarının “qəsd” və “terror hücumu” adlandırdığı Rusiya prezidentinin iqamətgahına pilotsuz təyyarə basqını müharibədə “yeni mərhələni göstərir”. O, bəyan edib ki, “bizə Rusiyanın bu cür hərəkətləri ölümcül cəzalandırmaq qabiliyyətinə malik olduğuna inandıran zərbə lazımdır”.

Dumanın spikeri Vyaçeslav Volodin deyib ki, deputatlar “Kiyev terror rejimini dayandıra və məhv edə biləcək silahlardan istifadəni tələb edəcəklər”. Putinə qarşı “terror hücumu” Rusiyaya qarşı hücumdur, deyən Volodin əlavə edib ki, Ukrayna prezidenti Volodimir Zelenski ilə “danışıqlardan söhbət gedə bilməz”. “Bu, əsl müharibədir – müharibə və Ukraynanın “terrorçu” elitasının məhv edilməsi üçün fürsətdir. Bizim onların bunkerlərini vurmaq üçün bir şeyimiz var”, – deputat Mironov deyib.

Deputat Juravlev yazıb ki, “Kiyevin mərkəzinə dəqiq zərbə endirmək lazımdır. Prezident aparatını, Ali Radanı, Baş Qərargahı, Ukrayna xüsusi xidmət orqanlarının yerləşdiyi binaları dağıtmaq lazımdır”. “Terrorçular Kiyevdə məskunlaşıblar və bildiyiniz kimi, onlarla danışıqlar mənasızdır. Onları yalnız tez və amansızcasına məhv etmək lazımdır. Zelenskinin Kiyevdəki iqamətgahına raket zərbəsi endirməyin vaxtı çatıb”, – Şeremet deyib.