Ukrayna Müdafiə Qüvvələrinin aviasiyası mayın 26-da Rusiya qoşunlarının şəxsi heyətinin və hərbi texnikasının cəmləşdiyi ərazilərə səkkiz zərbə endirib.

Editor.az Ukrayna Silahlı Qüvvələri Baş Qərargahının məlumatına istinadən bildirib ki, gün ərzində raket qoşunları və artilleriya bölmələri üç komanda məntəqəsini, iki silah və hərbi texnikanın cəmləşdiyi ərazini, bir sursat anbarını, atəş mövqelərində iki artilleriya bölməsini, bir hava hücumundan müdafiə və rusların digər mühüm hədəflərini vurub. Bundan əlavə, qeyd olunur ki, Rusiya qoşunları mayın 26-da Ukrayna ərazisinə 18 raket zərbəsi endirib.

Bütövlükdə onlar Ukrayna qoşunlarının mövqelərinə və yaşayış məntəqələrinə çoxsaylı raket sistemlərindən (MLRS) istifadə etməklə, təxminən 34 hücum həyata keçirib. Ukrayna Silahlı Qüvvələrinin Baş Qərargahı xəbərdarlıq edib: “Ukraynanın bütün ərazisi boyunca raket və hava zərbələri endirmə ehtimalı çox yüksəkdir”.

//Samir Qurbanov,Editor.az