Ukrayna ordusu ətrafında münaqişələrin davam etdiyi Zaporojye AES-də baş verə biləcək qəzaya qarşı hazırlaşır. Bir qrup jurnalist görülən tədbirləri yerində izah etmək üçün Kiyevdən vertolyotla Zaporojyeyə aparılıb.

Editor.az xarici mediaya istinadən bildirir ki, gedəcəyi yerlər təhlükəsizlik səbəbi ilə əvvəlcədən bildirilməyən jurnalistləri daşıyan helikopter Rusiya qüvvələri tərəfindən aşkarlanmamaq üçün 10 metr yüksəklikdə müşahidə edib. Jurnalistlər Ukraynanın daxili işlər naziri Denis Monastirski və energetika naziri Herman Haluşenkodan elektrik stansiyasının ərazisinə yaxın dayanacaqda qurulan tədqiqat sahəsində məlumat alıblar.

Ukraynanın daxili işlər naziri vəziyyətin getdikcə kritikləşdiyin vurğulayaraq Rusiya işğalçı qüvvələri orada olarkən AES-in təhlükəsizliyini təmin etmək mümkün deyil deyib. Ukraynanın energetika naziri narahatçılıqlarını bildirib və “Ruslar avqustun 5-də ərazini bombalamağa başlayanda vəziyyət kəskin şəkildə dəyişdi” deyib.

Rusiya Müdafiə Nazirliyi Zaporojyedə sızma zamanı hansı ölkələrin təsirlənəcəyini göstərən xəritələr dərc edib. Nazirliyin Nüvə Təhlükələri üzrə Komandanı general İqor Kirilovun sözlərinə görə, hətta yalnız bir reaktordan 25 faizlik sızma Çernobıl və Fukusima ilə bərabər ola bilər. Kirilov bildirib ki, elektrik stansiyasına silahlı hücum kimi kənar müdaxilə olarsa, reaktorların ehtiyat generatoru və soyutma sistemləri, həmçinin əsas təhlükəsizlik sistemləri sıradan çıxa bilər və bu halda reaktor əriyəcək. .

“Ukrayna, Polşa, Rumıniya, Moldova və Belarusa qədər, daha çox Almaniya və Skandinaviya ölkələrinə qədər zəhərlənmə müşahidə olunacaq. Yüz minlərlə insan miqrasiya etməli olacaq”,- Kirilov deyə bildirib.

//Safura Bənnayeva, Editor.az