Ukrayna Fövqəladə Hallar Xidmətindən verilən açıqlamada Xarkovun mərkəzində, cənubda Krasnoqradda və şəhərin Slobid rayonunda raket hücumlarının həyata keçirildiyi bildirilib.Hücumlarda şəhər mərkəzində vurulan qəsəbədə 7, cənubda Krasnoqradda 2, Slobid rayonunda isə 1 nəfərin, ümumilikdə isə 17 nəfərin həyatını itirdiyi bildirilib.

Editor.az xarici mediaya istinadən bildirir ki, Ukrayna prezidenti Volodimir Zelenski hücumlarla bağlı açıqlamasında şəhərin mərkəzində 7 nəfərin öldüyü binanın tamamilə dağıdıldığını bildirib.

“Bu, heç bir əsası olmayan və zəifliyi göstərən mülki şəxslərə qarşı hücumdur. Biz bağışlamayacağıq, qisasımızı alacağıq”, – deyə, o, bildirib.

Ukraynanın Vaşinqtondakı səfiri Oksana Markarovanın diqqətçəkən iddiası gündəmə gəlib. Oksana Rusiyanın Ukraynaya hücumlarında qadağan olunmuş vakuum bombasından istifadə etdiyini bildirib.

İddialara isə ilk reaksiya ABŞ-dan gəldi: Əgər doğrudursa, bu, müharibə cinayəti hesab edilməlidir.

//Safura Bənnayeva, Editor.az