Çeçenistan rəhbəri Ramzan Kadırov daha 70 min çeçen döyüşçünün Ukraynadakı hərbi əməliyyatlarda iştirak etməyə hazır olduğunu bildirib.

Editor.az bildirir ki, bu barədə o, Telegram-da Vladimir Putinin 70 illik yubileyi şərəfinə “Çeçenistan Respublikasının təhlükəsizlik qüvvələrinin təntənəli formalaşdırılması” adlı çıxışı zamanı deyib. “Bizə çoxlu könüllülər gəlir. Mən hələ minlərlə, on minlərlə cəbhə xəttinə getməyə, dövlətimiz uğrunda döyüşməyə, ali baş komandanın əmrini yerinə yetirməyə hazır olan çeçenləri demirəm.

Mən şadam və yaxşı mənada təəccüblənirəm ki, Rusiyanın hər yerindən bizə bu qədər könüllü gəlir, onlar bizimlə birlikdə xidmət etmək, dövlətimizin maraqlarını müdafiə etmək, birgə mübarizə aparmaq istəyirlər”, – deyə Çeçenistan rəhbəri əlavə edib. Qeyd edək ki, oktyabrın əvvəlində Çeçenistan rəhbəri general-polkovnik Aleksandr Lapini rus qoşunlarının Krasnı Limanı tərk etməyə məcbur edilməsində ittiham edib. Onun sözlərinə görə, məhz o, cəbhənin Krasnoliman sektorunun müdafiəsinə komandanlıq edib.

  //Samir,Editor.az