Rus işğalçıları yəqin ki, Soledar şəhərini tutublar. Lakin bu, Baxmutun mühasirəyə alınmasına gətirib çıxarmayacaq.

Editor.az xəbər verir ki, bunu Müharibə Araşdırmaları İnstitutunun analitikləri bildiriblər. Onlar hesab edirlər ki, Rusiya qüvvələri Soledarın hamısına olmasa da, böyük hissəsinə nəzarət edir və görünür, Ukrayna qüvvələrini şəhərin qərb kənarından sıxışdırıb çıxarmağa nail olub.

Eyni zamanda, ISW qeyd edir ki, Soledarın ehtimal olunan ələ keçirilməsi vəziyyətin əməliyyat baxımından əhəmiyyətli inkişafı deyil və bu, Baxmutun qaçılmaz mühasirəsinə çətin ki, təsir etsin. Analitiklər xatırladıblar ki, yanvarın 12-də Ukrayna Silahlı Qüvvələrinin Baş Qərargahı Rusiyanın Soledardan təxminən bir kilometr şimal-qərbdə yerləşən Sol yaşayış məntəqəsinə hücumlarının dəf edildiyi barədə məlumat verib. Lakin əvvəlki günlərdən fərqli olaraq, Ukrayna hərbçiləri bunu deməyiblər.

Əksinə, Soledardakı hücumu dəf ediblər: Lakin “Mövcud olan bütün sübutlar göstərir ki, Ukrayna qüvvələri Soledarda artıq mütəşəkkil müdafiəni saxlaya bilmir”, – institutun hesabatında deyilir. Onların fikrincə, “Rusiya qüvvələri Baxmut bölgəsində yüksək hücum tempini saxlamağa cəhd edə bilərlər.

Lakin bu səylər əməliyyat baxımından əhəmiyyətli nəticələrə gətirib çıxarmayacaq, çünki onlar döyüş gücünü itiriblər və tükənmək üzrədirlər”, – ISW bildirib.

//Samir Qurbanov,Editor.az