İngiltərə Kral III Çarlzın tacqoyma mərasimi üçün Rusiya, Belarus, İran, Myanma, Suriya, Əfqanıstan və Venesuela liderlərinə dəvət göndərməyib.

Editor.az bu barədə “Reuters”ə istinadən yazır:

“Dövlət başçıları, eləcə də Britaniya krallıqlarının və xarici ərazilərin nümayəndələri Britaniyanın tam diplomatik əlaqələri olan digər ölkələrdən dəvət olunublar. Mərasimə dəvətlərin Şimali Koreya və Nikaraqua prezidentlərinə deyil, yüksək rütbəli diplomatlara göndərildiyi də bildirilib.

III Çarlzın tacqoyma mərasimi mayın 6-da Vestminster Abbatlığında keçiriləcək. Onun həyat yoldaşı Kraliça Consort Camilla onunla birlikdə tac taxacaq.

//Gülnarə Abasova, Editor.az