Böyük Britaniyanın müdafiə naziri John Healey vəzifəsindən istefa verdiyini açıqlayıb.

O, Baş nazir Keir Starmer hökumətini artan qlobal təhdidlər fonunda müdafiə sektoruna kifayət qədər maliyyə ayırmamaqda ittiham edib.
Nazir istefa qərarını baş nazirə ünvanladığı məktubda açıqlayıb. Məktub daha sonra onun sosial şəbəkə hesabında yayımlanıb.

Healey bildirib ki, mövcud müdafiə büdcəsi ölkənin təhlükəsizlik ehtiyaclarını qarşılamaq üçün yetərli deyil. Onun sözlərinə görə, hökumətlə aparılan danışıqlarda müdafiə xərclərinin artırılması ilə bağlı təkliflər dəstəklənməyib.
İstefa Böyük Britaniyada müdafiə siyasəti və hərbi xərclərlə bağlı müzakirələrin daha da intensivləşəcəyi gözləntilərini artırıb. Siyasi müşahidəçilər bu addımı hökumət daxilində müdafiə maliyyələşdirilməsi məsələsində fikir ayrılıqlarının göstəricisi kimi qiymətləndirirlər.

//Samir Qurbanov, Editor.az