İran Rusiya və Ukrayna arasında hərbi münaqişənin həlli məsələsində vasitəçilik təklifi alıb.

Editor.az xəbər verir ki, bunu avqustun 30-da İran Prezident Administrasiyası rəhbərinin siyasi məsələlər üzrə müavini Məhəmməd Cəmşidi “Twitter” səhifəsində yazıb.

“Qərbi Avropanın yüksək rütbəli lideri prezident İbrahim Rəisidən Rusiya ilə Ukrayna arasındakı müharibənin dayandırılmasında vasitəçi olmağı xahiş edib. Bir sıra məsləhətləşmələrdən sonra sülh təşəbbüsü həmin mühüm mesajla birlikdə xarici işlər naziri vasitəsilə Moskvaya göndərilib”, – bəyanatda deyilir.

İranın İSNA xəbər agentliyi İran prezidentinə müraciət edən yüksək səviyyəli Avropa rəsmisinin Fransa prezidenti Emmanuel Makron olduğunu bildirib.

 //Samir, Editor.az