Rusiya Ukrayna ilə sərhədə 400-ə yaxın təyyarə və 300 helikopter cəmləşdirib. Editor.az bildirir ki, “Kanal 24” məlumat verib: “Çox güman ki, onlar havadan hücum etməyə çalışacaqlar. Amma təəssüf ki, bizim “F-16” və ya digər qırıcıları yerləşdirməyə vaxtımız olmayacaq.
Ona görə də biz əlimizdə olan təyyarələrlə və hava hücumundan müdafiə sistemləri ilə həmin təyyarələrlə döyüşməli olacağıq”, – hərbi analitik, Milli Qvardiyanın ehtiyatda olan mayoru, Rusiya-Ukrayna müharibəsinin veteranı Aleksey Getman deyib.
Onun sözlərinə görə, Rusiyanın kifayət qədər çox təyyarəsi var – hardasa 2000-dən çox. Getman əlavə edib ki, Ukrayna bu gün Rusiyadan təxminən 10 dəfə az təyyarəyə malikdir. O hesab edir ki, ruslar havadan hücuma başlasalar, bu, quruda da hücumu dəstəkləməkdə onlara müəyyən fayda verə bilər.
//Samir Qurbanov, Editor.az