Çin Prezidenti Si Cinpin Avropa İttifaqı (Aİ) Şurasının sədri Çarlz Mişel və Avropa Komissiyasının sədri Ursula fon der Leyen ilə videokonfrans formatında görüşüb.
Editor.az xəbər verir ki, CCTV-nin məlumatına görə Si vurğulayıb ki, Pekin və Brüssel dəyişən qlobal vəziyyətdə sabitliyi birlikdə təmin etməlidir.
Çin lideri Çin və AB-nin ikitərəfli əlaqələr və dünyada sülhün təmin olunması ilə bağlı mühüm mövzularda daha çox əməkdaşlığının vacibliyini də diqqətə çəkib.
Onu da qeyd edək ki, Çinin BMT-dəki daimi nümayəndəsinin müavini Dai Bing bəyan edib ki, Rusiyaya qarşı sanksiyaların artırılması və onların əhatə dairəsinin genişləndirilməsi inkişaf etməkdə olan ölkələrə mənfi təsir göstərəcək.
//Gülnarə Abasova, Editor.az