Rusiya Xarici İşlər Nazirliyinin sözçüsü Mariya Zaxarova cari məsələlərlə bağlı həftəlik mətbuat konfransı keçirib.

Editor.az xarici mediaya istinadən bildirir ki, ABŞ dövlət katibi Entoni Blinkenin “Putin NATO müttəfiqliyini gücləndirmək üçün dünyada hamıdan çox çalışır” ifadəsi ilə bağlı sualı cavablandıran Zaxarova bu açıqlamanın absurd olduğunu vurğulayıb.

“2022-ci ilə qədər Moskva NATO-nu genişləndirirdimi? Rusiya ilə NATO arasındakı razılaşmanı pozmaqda bizmi günahkarıq? Qərb bu razılaşmanı pozdu. NATO illər ərzində ittifaq kimi daima genişləndi. Biz dəfələrlə bildirmişik ki, bu, narahatlıq doğurur və nəticələri pis olacaq”.

//Safura Bənnayeva, Editor.az