Ukrayna prezidenti Vladimir Zelenski 21 may gecəsi Ukrayna müdafiəçilərinin Rusiyanın Samara bölgəsindəki Sizran neft emalı zavoduna uzun mənzilli zərbə endirdiyini açıqlayıb.

“Rusiya neft emalına qarşı daha bir uzun mənzilli sanksiyamız var və biz bu istiqamətdə davam edirik. Bu dəfə sərhədimizdən 800 kilometrdən çox məsafədə yerləşən Sizran Neft Emalı Zavodu hədəfimiz oldu. Dəqiqliklərinə görə Pilotsuz Sistemlər Qüvvələrinin və Xüsusi Əməliyyat Qüvvələrinin əsgərlərinə təşəkkür edirik”, – deyə Ukrayna lideri Telegram-da vurğulayıb.

Ukrayna Silahlı Qüvvələrinin Xüsusi Əməliyyat Qüvvələrinin Telegram mesajında daha ətraflı məlumat verilib. Orada ildə 9 milyon tona qədər neft emalı gücünə malik obyektdə genişmiqyaslı yanğın aşkar edildiyi bildirilib. “Sizran Neft Emalı Zavodu mülki ehtiyaclarla yanaşı, Rusiyanın mərkəzində və cənubundakı Rusiya hərbi təyyarələrini və hərbi hissələrini yanacaqla təmin edir. Neft məhsulları da oradan Volqa çayı və Xəzər dənizi vasitəsilə ixrac olunur”, – mesajda qeyd olunub.

//Samir Qurbanov, Editor.az