Rusiyanın “Şeremetyevo” Hava Limanında baş vermiş dəhşətli təyyarə qəzasının qurbanlarının ailələrinə maddi yardım göstəriləcək.
Editor.az “Qafqazinfo”ya istinadən verdiyi xəbərə görə, qəzada həlak olmuş Murmansk sakinlərinin ailələrinə 1 milyon rubl ödəniləcək. Bu barədə jurnalistlərə açıqlamasında Murmansk vilayətinin qubernatoru Andrey Çibis bildirib.
“Bu barədə sənəd bu gün imzalanacaq”, – deyə o, söyləyib.
Qeyd edək ki, mayın 5-də Rusiyanın Murmansk vilayətindən gələn “Aeroflot” aviaşirkətinə məxsus “Sukhoi Superjet 100” (SSJ-100) sərnişin təyyarəsi paytaxt Moskvanın “Şeremetyevo” Hava Limanına qəza enişini edən zaman yanıb. Hadisə nəticəsində göyərtədə olan 78 nəfərdən 41-i həlak olub.