“Şəhərlər inkişaf etdikcə bunun üçün tələb olunan vəsait də artır”.

Bunu WUF13 çərçivəsində “Münaqişədən sonra şəhərsalma: Məhv edilmiş kimliyin bərpası və inteqrasiya olunmuş gələcəyin yenidən qurulması” mövzusunda tədbirdə Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov bildirib.

“Azərbaycan dövləti işğaldan azad edilən ərazilərdə yenidənqurma və bərpa işlərinə 14 milyard dollar vəsait xərcləyib. Vəsaitin əhəmiyyətli hissəsi özəl investisiyalardır – təxminən 15-30 milyon. Özəl sektorun daha fəal olmasına ümid edirik. Vergidən azad olma, gömrük orqanlarından azad olma kimi iqtisadi üstünlüklər var”, – o qeyd edib.