Editor.az bildirir ki, “Fox News” telekanalına müsahibəsində o, Vladimir Putin və Ukrayna prezidenti Volodimir Zelenski ilə danışıqlar apara biləcəyini və bunun “çox asan danışıqlar” olacağını iddia edir.

Tramp etiraf edib ki, ABŞ-da 2024-cü ildə keçiriləcək növbəti prezident seçkilərinə qədər münaqişəni həll etmək mümkün olmayacaq: “Müharibə dərhal dayandırılmalıdır. Çünki Ukrayna yer üzündən silinir. Mən tamamilə dağıdılmış şəhərlərin fotolarını görmüşəm… Dediklərindən daha çox insan ölüb və yaralanıb”, – ABŞ-ın keçmiş prezidenti deyib. Lakin Tramp Putin və Zelenski ilə danışıqlar strategiyasının nə olacağını açıqlamayıb.

“Əgər bu münaqişə həll olunmasa, mən bunu Zelenski və Putinlə 24 saat ərzində həll edəcəm, çox asan danışıqlar olacaq, amma onların nə ilə bağlı olacağını sizə açıqlamaq istəmirəm”, – deyə Donald Tramp bildirib. O, eyni zamanda ABŞ prezidenti Co Baydeni Ukraynadakı vəziyyətə münasibətinə görə də tənqid edib. Tramp Ukrayna münaqişəsini seçki kampaniyasının əsas mövzularından birinə çevirmək qərarına gəlib.